Partizani do te luaj sot ne stadiumin "Qemal Stafa" te kryeqytetit ne oren 20:00 kunder Siroki Brijeg te Bosnjes ne ndeshjen e vlefshme per raundin e pare eleminator te Kupes UEFA. Sic dihet ndeshja e pare ne Bosnje u mbyll ne barazim pa gola. Sot trajneri Lika duket se do te hedhe ne fushe po te njejtin formacion. Pra ne porte do te jete Edvan Bakaj qe ne debutimin e tij ne Europe dy jave me pare beri nje paraqitje shume te mire. Mbrojtja do te perbehet nga Pinari dhe Osmani ne qender, ndersa nga krahet jane kapiteni Beqiri ne te djathte dhe Rrahman Hallaci ne te majte.

Karapici dhe Dhembi do te jene ne qender te mesfushes. Viktor Gjyla ne te majte dhe Gjergji Muzaka ne te djathte do te mundohen te furnizojne sa me mire sulmin, gje qe e bene dhe ne ndeshjen e pare. Detyra kryesore per te shenuar i mbetet perseri korcarit 25-vjecar Marjus Ngjela. Ai do te mbeshtet nga Elis Bakaj qe do te jete ne rolin e sulmuesit te terhequr.

Trajneri Lika duke dashur qe te zbuse sa me shume euforine e kuqe, eshte shprehur se shanset jane pothuaj te barabarta per te dyja skuadrat. Trajneri ka shtuar se detyra e Partizanit eshte me e veshtire, sepse rezultati i vetem qe do ti conte ne raundin e dyte eshte nje fitore, ndersa per Siroki Brijeg do te mjaftonte dhe nje barazim me gola.

Pra nga Partizani sot pritet nje loje e kujdesshme pasi pesimi i nje goli do te ishte nje goditje e rende. Nga ana tjeter duhet qe te kuqte te sulmojne per te gjetur golin e fitores. Shpresojme qe lojtaret do te japin gjithcka ne fushe, dhe sigurisht qe dhe rezultati do te vije. .

31 Korrik 2008