Ndërkohë që Malindi s’pushon së lëni përshtypje të bullgarët, Partizani vazhdon përgatitjet në Kamzë, për ndeshjen në kampionat kundër Besës. Pas ditëve me shi, dje grupi i të kuqve ka mundur të stërvitet nën rrezet e diellit. Trajneri Lika ka kryer një seancë intensive me karakter atletik e teknik, në të cilën kanë munguar vetëm tre të grumbulluarit me Shpresën, të cilët do të bashkohen sot me skuadrën. Gjatë disa mini-ndeshjeve të zhvillura nga të kuqtë 6 kundër 6, ka rënë në sy frymëzimi i Gjylës, autor i 4 golave.

Ndërkohë, sot pritet që të fillojë edhe periudha riaftësuese e Babamustës, i cili pësoi një tërheqje gjatë miqësores së luajtur në Shijak para 10 ditëve. Mesfushori pritet të kryejë disa vrapime, duke iu bashkëngjitur kapitenit Beqiri, që po i përkushtohet vrapimeve prej disa ditësh..

7 Shkurt 2008