Fundviti ka mbledhur në një takim festiv tifozët e kuq, të cilët kanë përfituar nga rasti për t’u mbledhur të gjithë bashkë dje, në një lokal në hyrje të Fushë-Krujës. Atë që duhet ta bënin drejtuesit e klubit të Partizanit, praktikë që ndodh thuajse në të gjithë klubet e Evropës, kanë menduar ta organizojnë fansat, që u kanë bërë ftesë edhe lojtarëve të skuadrës. Megjithatë, vetëm dy prej tyre, Tafaj e Gjyla kanë qenë të pranishëm. Natyrisht, tifozët do të kishin dashur të ishin më shumë dhe kjo i ka mërzitur paksa, sepse tregon në një farë mënyre mungesë respekti kundrejt tyre. Megjithatë, kjo nuk ua ka prishur vijimin e festës në mënyrë të hareshme për më shumë se dy orë, teksa kanë marrë pjesë rreth 80 vetë, tifozë e dashamirës të skuadrës së kuqe.

Për herë parë është publikuar ne kete feste te tifozeve edhe kënga e re e Partizanit, që pritet të shndërrohet në një himn të skuadrës së kuqe. .

27 Dhjetor 2007